वर्षाले फेरि रोकियो नेपाल र कुवेतबीचको खेल
काठमाडौँ । बर्षाले एसीसी प्रिमियर कपअन्तर्गत नेपाल र कुवेतबीचको खेल फेरि रोकिएको छ । बिहान १०ः४५ देखि पानी परेर रोकिएको खेल ११ः४५ बजे पिच छोपिएको कभर निकालेपछि म्याच रेफ्रीले सवा १२ बजेदेखि खेल पुनः सुरु हुने बताएका थिए ।
तर, सवा १२ हुनु ४ मिनेटअघि फेरि पानी पर्न थालेपछि खेल सुरु नभई रोकिएको छ । बिहान पानीले खेल अवरुद्ध पारेपछि अम्पायरले खेल ४५-४५ ओभरमा छोट्याएका थिए ।
