राहत शिक्षक र सरकारबीच सहमति, आन्दोलनका सबै कार्यक्रम फिर्ता
काठमाडौं । सरकार र आन्दोलनरत राहत शिक्षकबीच सहमति भएको छ । आज शिक्षा मन्त्रालयमा भएको वार्तामा सहमति भएसँगै राहत शिक्षकले आन्दोनलका सबै कार्यक्रम फिर्ता लिएका छन् । सरकारले ल्याएको शिक्षा विधेयकमा असहमति जनाउँदै देशभरका शिक्षक काठमाडौं आएर आन्दोलन गरिरहेका थिए ।
शिक्षक महासंघसहतिका प्रतिनिधिसँग ५ असोजमा सरकारसँग सहमति भए पनि उक्त सहमतिमा असहमति जनाउँदै राहत शिक्षकले आन्दोलन जारी राखेको थियो । शिक्षा विधेयकमा ५० प्रतिशत आन्तरिक र ५० प्रतिशत खुला गर्ने थियो । ६ गते भएको सहमतिमा ७५ प्रतिशत आन्तरिक र २५ प्रतिशत खुल्ला गर्ने सहमति भएको थियो ।
