पूर्व मिस नेपाल श्रृंखलाले गरिन् बिवाह
काठमाडौँ । पूर्व मिस नेपाल श्रृंखला खतिवडा वैवाहिक बन्धनमा बाँधिएकी छिन् । उनले सञ्चार उद्यमी तथा प्रेमी सम्भव सिरोहियासँग बिहे गरेकी हुन् ।
काठमाडौँको होटल हायातमा अहिले उनीहरुको बिहेको समारोह चलिरहेको छ । शृंखला र सम्भवको बिहेमा दुबैतिरका नजिकका परिवार र आफन्तलाई मात्रै बोलाइएको छ । बेहुली बनेकी श्रृंखला निकै खुसी देखिएकी छिन् । रातो सारी र गहनामा सजिएकी उनी निकै सुन्दर देखिएकी छिन् ।
श्रृंखला र सम्भव केही वर्षदेखि प्रेम सम्बन्धमा थिए । यी दुईले आफ्नो प्रेम सम्बन्धलाई आज विवाहमा परिणत गरेका हुन् । श्रृंखलाले करिब दुई महिनाअघि सम्भवसँगको प्रेम सम्बन्धबारे सामाजिक सञ्जालमार्फत सार्वजनिक गरेकी थिइन् ।