माओवादीले डाक्यो पदाधिकारी बैठक
काठमाडौँ । सत्तारुढ नेकपा माओवादी केन्द्रले पदाधिकारी बैठक बोलाएको छ । भोलि (मंगलबार) दिउँसो ३ बजे बस्ने गरी बैठक बोलाइएको प्रवक्ता अग्नि प्रसाद सापकोटाले जानकारी दिएका छन् ।
बैठकमा राष्ट्रियसभा निर्वाचन, पार्टीको विधान सम्मेलन, केन्द्रीय समिति बैठक र समसामयिक राजनीतिका बारेमा छलफल हुने सापकोटाले नेपालखबरलाई बताए । बैठक पार्टी केन्द्रीय कार्यालय पेरिसडाँडामा बस्ने तय भएको छ । सापकोटाका अनुसार पार्टीले सञ्चालन गरेको तीन महिने विशेष रुपान्तरण अभियानका बारेमा पनि बैठकमा समीक्षा हुनेछ । माओवादीको सो अभियान पुस १५ गते समापन हुँदैछ ।
