जर्जियाका अदालतद्वारा ट्रम्प र उनका सहयोगीबिरूद्धको ६ मुद्दा खारेज
जर्जिया । जर्जियाको एक अदालतले अमेरिकन पूर्व राष्ट्रपति डोनाल्ड ट्रम्पका चुनावी हस्तक्षेपसम्बन्धी मुद्दाका ६ वटा आरोप खारेज गरेको छ । अमेरिकन सञ्चारमाध्यमका अनुसार जर्जियाको अदालतले ट्रम्प र उनका सहयोगीहरूविरुद्ध लगाइएका केही आरोपमध्ये ६ वटालाई भने खारेज गरिदिएको हो । ट्रम्पसहित उनका समर्थकहरूले दक्षिणपूर्वी राज्यमा भएको राष्ट्रपति चुनावमा अनावश्यक हस्तक्षेप गरेको भन्दै लगाइएको आरोपमा फौजदारी अभियोगको सामना गरिरहेका थिए ।
बिरोधीहरूले ९ पृष्ठ लामो अदालतमा दायर गरिएको ४१ वटा अभियोगमध्ये ६ वटालाइ पेशीमा नै नराखिएको अदालतले जनाएको छ । यसमा ट्रम्पको बिरूद्ध तीन गणनाहरू सामेल छन् यद्यपि उनले अझै पनि १० अन्य गणनाहरूको सामना गरिरहेका छन् ।
ट्रम्प र उनका सहप्रतिवादीहरूले सन् २०२० राष्ट्रपतिको दौडको नतिजालाई उल्टाउने कथित प्रयासमा निर्वाचित अधिकारीहरूलाई डिस्टर्ब गरेका थिए । फुल्टन काउन्टी सुपीरियर कोर्टका न्यायाधीश स्कट म्याकफीका अनुसार लिखित रूपमा ६ वटा गणनाले अपराधका सबै आवश्यक तत्वहरू समावेश गरेको छैन, त्यसले पर्याप्त विवरण दिन नसकेकाले आरोप लगाउन असफल भएको छ ।
