कार्य व्यवस्था परामर्श समिति सदस्यमा एमालेकी सचेतक सुनिता बराल मनोनीत
काठमाडौं । प्रनिनिधिसभालाई नेकपा एमालेकी सचेतक सुनिता बराल कार्य व्यवस्था परामर्श समिति सदस्यमा मनोनीत भएको जानकारी गराइएको छ ।
आज (शुक्रबार) बसेको प्रतिनिधिसभा बैठकमा सभामुख देवराज घिमिरेले कार्यव्यवस्था परामर्श समिति सदस्यमा बराल मनोनीत भएको जानकारी गराएका हुन् । यसअघि एमालेको तर्फबाट कार्य व्यवस्था परामर्श समिति सदस्य रहेका पदम गिरी कानुनमन्त्री भएपछि बराललाई सदस्यमा मनोनीत गरिएको हो ।
