सुनको भाउ एकै दिन २२ सयले घट्यो, तोलाको कतिमा हुँदैछ कारोबार ?
काठमाडौं । नेपाली बजारमा लगातार बढेर रेकर्ड बनाइरहेको सुनको मूल्य आइतबार केही घटेको छ । नेपाल सुनचाँदी व्यवसायी महासंघका अनुसार शुक्रबारको तुलनामा सुन प्रतितोला दुई हजार २०० रुपैयाँले घटेको हो। घटेपछि छापावाल सुन एक लाख ३६ हजार ८०० रुपैयाँमा कारोबार भइरहेको छ ।
त्यस्तै तेजाबी सुनको मूल्य पनि प्रतितोला दुई हजार २०० ले नै घटेर एक लाख ३६ हजार १५० कायम भएको छ । महासंघका अनुसार चाँदीको मूल्य अघिल्लो कारोबार दिनको तुलनामा प्रतितोला ५० ले घटेको छ । चाँदी एक हजार ७०० रुपैयाँ कायम भएको छ ।
