नुहाउने क्रममा कर्णाली नदीले बगाएर दुई बालिका बेपत्ता, तीनको सकुशल उद्धार
बाजुरा । नुहाउने क्रममा कर्णाली नदीले बगाउँदा दुई बालिका बेपत्ता भएका छन् । बाजुराको जगन्नाथ गाउँपालिका–२ मा सोही ठाउँ बस्ने १५ वर्षीया सोबिना शाह र १३ वर्षीया सन्जुकुमारी शाही कर्णाली नदीमा बेपत्ता छन् ।
बिहीबार दिउँसो उनीहरूसँगै अन्य तीन जना बालिका नुहाउने क्रममा नदीमा बगेका थिए । बगेको देखेपछि स्थानीयले तीन जना बालिकाको सकुशल उद्धार भएको थियो । बेपत्ता बालिकाहरूको खोजतलास गरिरहेको जिल्ला प्रहरी कार्यालय बाजुराले जनाएको छ ।