सामाजिक अभियन्ता दिनेश र हेमा आजपामा प्रवेश
काठमाडौं । सिरहाका प्रतिष्ठित एवं सामाजिक व्यक्तित्व दिनेशकुमार साह र समाजसेवी एवं महिला अभियन्ता हेमा साहले आम जनता पार्टी (आजपा) मा प्रवेश गरेका छन् ।
आजपाको काठमाडौंस्थित केन्द्रीय पार्टी कार्यालयमा आज एक कार्यक्रमबीच उनीहरु आजपामा प्रवेश गरेका हुन् । दुबैलाई आजपा अध्यक्ष एवं पूर्वमन्त्री प्रभु साहले पार्टीमा स्वागत गरेका छन् । दिनेश हेमालाई पार्टीमा स्वागत गर्दै पार्टी अध्यक्ष साहले पार्टीद्वारा जारी भ्रष्टाचार, अनियमितता एवं दलीय लुटतन्त्रविरुद्धको आन्दोलनमा सक्रिय रुपमा सहभागी हुन आग्रह गरे । सो अवसरमा पार्टीका उपमहासचिव एवं प्रवक्ता चन्द्रभुषण साह, उपमहासचिव मनोज यादव, स्थायी कमिटी सदस्य सुनिता साह क्रान्ति लगायतको सहभागिता थियो ।
यसअघि सद्भावना पार्टीका सिरहा जिल्ला पूर्व अध्यक्ष भरत प्रसाद साह आजपामा प्रवेश गरेका थिए । तत्कालीन ६ वटा मधेसवादी दलहरु मिलेर बनेको राष्ट्रिय जनता पार्टी (राजपा) का केन्द्रीय सदस्य समेत रहेका साहले मधेसवादी दलका नेताहरु भ्रष्टाचारमा डुबेको आरोप लगाउँदै आजपामा प्रवेश गरेका थिए । पछिल्लो समय बिभिन्न पार्टी परित्याग गर्दै आजपामा प्रवेश गर्नेको संख्या बढदै गइरहेको आजपा स्थायी कमिटीका सदस्य बालकृष्ण सापकोटाले बताए ।
