उद्घाटन खेलमा आयोजक राष्ट्र रसियाको शानदार जित
काठमाडौँ, ३१ जेठ । आजदेखि सुरु भएको २१ औँ संस्करणको विश्वकप फुटबल प्रतियोागिताको उद्घाटन खेलमा आयोजक राष्ट्र रसियाले शानदार जित हासिल गरेको छ ।
रसियाको मस्को शहरको लुझ्न्की स्टेडियममा भएको उद्घाटन खेलमा आयोजक राष्ट्र रसियाले साउदी माथि ५–०को शानदार जित निकालेको हो ।
रसियाका लागि डेनिस च्यारिसेभले २ तथा आर्तेम दर्बुजा, गरेभने युरी गोजिन्सी र एलाक्सडर गोलोभिनले एक–एक गोल गरे । रसियाले पहिलो हाफमा २–० को अग्रता लिएको थियो । रसियाका लागि युरी गोजिन्सी र डेनिस च्यारिसेभले दुई गोल गरेका हुन् ।
रसियाले खेलको १२ औं मिनेटमा साउदी अरेबियाविरुद्ध पहिलो गोल गर्दै खाता खोलेको थियो । रसियाका लागि युरी ग्याजिन्सकीले पहिलो गोल गरे । उनले एलेक्जेडरको पास मार्फत हेडिङ् गर्दै बललाई जाली चुमाएका थिए । यो उनको पहिलो अन्तराष्ट्रिय गोलपनि हो । जर्मनीका फिलिप लेहमपछि २००६ यता विश्वकपको पहिलो सटमै गोल गर्ने उनी पहिलो खेलाडी पनि बनेका छन् ।
यसैगरी पहिलो हाफ सकिन २ मिनेट बाँकी छँदा च्यारिसेभल डेनिसले दोस्रो गोल थपेका थिए । रोमन जोवनिनले दिएको पासलाई डेनिसले डी बक्सभित्रबाट साउदीका डिफेन्डरलाई छलाउँदै गोल गरेका थिए । उनको पनि यो पहिलो अन्तराष्ट्रिय गोल हो ।
यस्तै ७१ औं मिनेटमा रसियाका लागि तेस्रो गोल सब्सिटियूटमा मैदान उत्रेका आर्तेम दर्बुजाले हेड मार्फत गोल गरे । उनले एलेकसानद्रको
पासलाई क्रसबाट गोलमा परिणत गरेका थिए । उनले मैदान प्रवेश गरेको ६० सेकेन्ड वित्न नपाउँदै गोल गरे । उनी अलान डेजागेभले ह्यार्मस्ट्रङ इञ्जुरीका कारण मैदान छाडेपछि मैदान प्रवेश गरेका थिए ।
यस्तै ९० मिनेटपछि थपिएको ३ मिनेटको अतिरिक्त समयमा साउदीले दुई गोल खायो । पहिलो मिनेटमा साउदीका फहाद अल मुलादले फल गरेपछि रसियाका डेनिश चेरोसेभले डिबक्सको दाँयाबाट ’लेफ्ट फुट सट’ हान्दै चौथो गोल गरे ।
थप समयको अन्तिम मिनेटमा साउदीका तेसिल अल जासमले फल गरेपछि रशियाले पाएको फ्रि–किकलाई सदुपयोग गर्दै एलेकसान्दर गोलोभिनले रसियाका लागि ५ औं गोल गरे।
लुझ्न्की स्टेडियममा रसियाका राष्ट्रपति भ्लादिमिर पुटिनसहित विश्वका विभिन्न नेताको उपस्थितिमा रसिया र साउदी अरेबियाबीच खेल भएको थियो ।
तस्बिर : एपि