नेपाल प्रहरीका एसएसपीको सरुवा हुने, काठमाडौंमा लामा र ललितपुरमा धानुक आउँदै
काठमाडौं, ३० साउन । नेपाल प्रहरीका एसएसपीहरुको सरुवा हुने भएको छ । गृह मन्त्रालयले नेपाल प्रहरीको विभिन्न स्थानमा कार्यरत एसएसपीको सरूवा तयारी थालेको छ ।
काठमाडौं प्रहरी परिसर प्रमुखमा एसएसपी बसन्त लामा, ललितपुर प्रहरी प्रमुखमा एसएसपी रवीन्द्र धानुकलाई ल्याउने तयारी भइरहेको स्रोतले जानकारी दिएको छ । लामा यसअघि सनम शाक्य र तस्करीको सुन सम्बन्धमा अनुसन्धान गर्न सरकारले गठन गरेको विशेष छानबिन समितिमा रहेका काम गरेका थिए ।
धानुक यसअघि काठमाडौं प्रहरीको प्रमुख भएर काम गरेका थिए । समय पुगेका अन्य केही एसएसपीको पनि सरूवा तयारी भइरहेको समाचार स्रोतले जानकारी दिएको छ ।
गृह मन्त्रालयले ५ महिनाअघि रवीन्द्र धानुकलाई हटाएर विश्वराज पोखरेललाई काठमाडौंको प्रमुखमा ल्याएको थियो । त्यसैगरी ललितपुरमा कार्यरत एसएसपी गणेश ऐरका ठाउँमा धानुकलाई ल्याइएको थियो ।
