रकम नभएको बैंकको चेक दिएर साढे १६ लाख ठगी गर्ने महिला–पुरुष पक्राउ
काठमाडौं, २६ असार । प्रहरीले बैंकिङ कसुर मुद्दाका दुई फरार व्यक्तिलाई पक्राउ गरेको छ । उच्च अदालत पाटनले बैंकिङ कसुरमा सजाय तोकेका उनीहरुलाई काठमाडौंका विभिन्न स्थानबाट पक्राउ गरिएको प्रहरीको केन्द्रीय अनुसन्धान ब्यूरो (सिआइबी) ले शुक्रबार सूचना जारी गरी जनाएको छ ।
काठमाडौं ताम्सिपाखाका सुनिता चित्रकारलाई बिहीबार र काठमाडौं कलङ्कीका मनोजलाल सिंह दुलाललाई शुक्रबार पक्राउ गरिएको हो ।
उच्च अदालत पाटनको गत १८ फागुनको फैसलाले चित्रकारलाई तीन दिन कैद र ६ लाख ५० हजार जरिवाना हुने ठहर भएको छ । सजाय बेरुजु रही फरार रहेकी चित्रकारलाई स्वयम्भूबाट पक्राउ गरिएको हो ।
यस्तै उच्च अदालत पाटनको १० माघको फैसलाले सात दिन कैद र १० लाख जरिवाना ठहर भई फरार हुँदै आएका सुवाललाई रविभवनबाट पक्राउ गरिएको ब्यूरोले जनाएको छ ।
रकम नभएको बैंकको चेक दिएर ठगी गरेको पाइएको छ । उनीहरुलाई फैसला कार्यान्वयनका लागि काठमाडौं जिल्ला अदालतमा पेश गरिएको जनाइएको छ