तत्काल रूसी आक्रमणको सम्भावना छैन : युक्रेन
काठमाडौं । युक्रेनले तत्कालै रुसले आफ्नो मुलुकमाथि आक्रमण गर्ने सम्भावना नरहेको बताएको छ । अमेरिकाले आफ्ना नागरिकलाई तत्कालै मुलुक छाड्न आग्रह गरेसँगै युक्रेनले यस्तो बताएको हो ।
सैन्य अभ्यास शुरु गर्दै रुसले युक्रेनलाई घेरेको भन्दै अमेरिकाले तत्काल मुलुक छाड्न आफ्ना नागरिकहरुलाई निर्देशन दिएको थियो । युक्रेनले भने भने अहिले आफूहरुले तनाव कम गर्ने प्रयास गरिरहेको बताएको छ । साथै उसले कुनै पनि बेला सम्पूणर् युद्ध शुरु हुन सक्छ भन्ने अमेरिकी गुप्तचरको मूल्याङ्कनसँग सहमत नभएको बताएको छ ।
युक्रेनी विदेश मन्त्री डिमित्रो कुलेबाले भने, ‘बाइडेनले अमेरिकी विदेश मन्त्रालयबाट राज्य विभागबाट पहिलेको मार्गदर्शनलाई मात्र पुनः स्थापित गर्दैछन् । यो भनाइमा कुनै नयाँ कुरा छैन । हामीलाई संयुक्त राज्य अमेरिकाको स्थान थाहा छ, जसले पहिले नै यस्ता भनाइ राखिसकेको छ ।’
अमेरिकाले आफ्नो राजदूतावासका केही कर्मचारी र परिवारका सदस्यहरूलाई उद्धार गर्न थालिसकेको स्थानीय सञ्चारमाध्यममा बताइएको छ । रासस/एएफपी