एकै दिन १ करोड १५ लाख ९७ हजार कित्ता शेयर सूचीकृत, कसको कति सूचीकृत ?
काठमाडौं, २३ बैसाख । एकै दिन शेयर बजारमा एक करोड १५ लाख ९७ हजार ६०.२२ कित्ता बोनस शेयर सूचीकृत भएको छ ।
बोनस शेयर सूचीकृत गराउनेमा साल्ट ट्रेडिङ कर्पोरेसन, मिसन डेभलपमेन्ट बैंक, सोल्टी होटल र हिमालयन बैंक रहेका छन् ।
साल्ट ट्रेडिङको ३ लाख ७ हजार ४ सय २४ कित्ता बोनस शेयर सूचीकृत भएको छ । साल्ट ट्रेडिङले चैत्र ११ गतेको साधारणसभाले २५ प्रतिशत बोनस शेयर दिने घोषणा गरेको थियो । सोही शेयर अहिले नेप्सेमा सूचीकृत भएको हो ।
यता मिसन डेभलपमेन्ट बैंकको ५ लाख ७१ हजार २०८.२२ कित्ता बोनस शेयर सूचीकृत भएको छ । यसले ११ प्रतिशत बोनस शेयर दिएको हो । सोल्टी होटलको ६६ लाख ६१ हजार १६३ कित्ता बोनस शेयर सूचीकृत भएको छ भने हिमालयन बैंकको पनि ४० लाख ५७ हजार २६५ कित्ता बोनस शेयर सूचीकृत भएको छ ।