डेढ किलो सुन र एक करोड ४३ लाखसहित काठमाडौंबाट सात जना पक्राउ
काठमाडौं । उपत्यका अपराध अनुसन्धान कार्यालयले करिब डेढ किलो सुन र कम्तिमा एक करोड ४३ लाख ६० हजार रुपैयाँ बरामद गरेको छ ।
काठमाडौं महानगरपालिका–२४ दुछेंननी टोलबाट १७६८ ग्राम सुन र उक्त रकम बरामद गरेको प्रहरीले जनाएको छ । प्रहरीले दार्चुला महाकाली नगरपालिका वडा नं ३ टाँटे बस्ने ४७ वर्षीय गणेश दत्त बडू र आयुष बडू, झापा बिर्तामोडका दिनेश खरेल र भरतराज खरेल पक्राउ गरेको छ । त्यस्तै भारत महाराष्ट्रका अमोल बिभुते, ऋषिकेश प्रकाश बिभुते र गणेश सतिश बाल्टे पक्राउ परेका छन् ।
विशेष सूचनाका आधारमा खटिएको कार्यालयको टोलीले अवैध सुन र नगदसहित काठमाडौंको इन्द्रचोकबाट सात जनालाई पक्राउ गरेको कार्यालय स्रोतले जानकारी दियो । प्रहरीले बिहान साढे ११ बजे पत्रकार सम्मेलन गरेर जानकारी दिँदैछ ।