न्याम्सको स्नातकोत्तर तहको प्रवेश परीक्षा स्थगित
काठमाडौं, २ कात्तिक । चिकित्सा विज्ञान राष्ट्रिय प्रतिष्ठान (न्याम्स) ले आज (शनिबार) हुने भनिएको स्नातकोत्तर तहको एमडी, एमएस र एमडिमएसको प्रवेश परीक्षा स्थगित गरेको छ ।
न्याम्सले आजका लागि परीक्षा तय गरेको थियो । स्वास्थ्य तथा जनसंख्या मन्त्रालयको निर्देशनअनुसार प्रवेश परीक्षा स्थगित भएको न्याम्सका डिन प्रा. डा. पियूष दाहालले जानकारी दिएका छन् । स्वास्थ्य तथा जनसंख्यामन्त्री न्याम्सको सहकुलपति हुने प्रावधान छ ।
न्याम्सलाई नयाँ शैक्षिक सत्रका लागि नेपाल मेडिकल काउन्सिलले एमडी, एमएस र एमडिमएस ११५ र डिएम, एमसीएचतर्फ २१ सिट मा अध्ययन अध्यापन गर्न स्वीकृति दिएको थियो ।
