नरवणेलाई ‘कालो झण्डाले स्वागत गर्ने’ भनेपछि पुण्य गौतम पक्राउ


प्रकाशित मिति : November 4, 2020

काठमाडौं, १९ कार्तिक । भारतीय स्थल सेनाध्यक्ष मनोज मुकुन्द नरवणे आज (बुधवार) मध्यान्ह नेपाल आउँदैछन् । नेपाल–भारत सीमा विवादबारे विवादास्पद अभिव्यक्ति दिएका कारण उनको भ्रमण लक्षित सुरक्षा सतर्कता कडा बनाइएको छ ।

नेपालको औपचारिक भ्रमणमा आउने नरवणेलाई ‘कालो झण्डाले स्वागत गर्ने’ अभिव्यक्ति दिएपछि प्रहरीले पुण्य गौतमलाई पक्रेको छ ।

भारतीय सेनाध्यक्षको भ्रमणबारे आफ्नो युट्युब च्यानलमा गौतमले भिडियो बयान दिँदै ‘कालो झण्डाले स्वागत गर्ने’ बताएका छन् । गौतमलाई बौद्ध क्षेत्रबाट पक्राउ गरिएको महानगरीय प्रहरी परिसर काठमाडौँका एसएसपी श्यामलाल ज्ञवालीले जानकारी दिएका छन् ।

प्रतिक्रिया दिनुहोस्