पाँच वर्षीया बालिकालाई बलात्कार गरेको आरोपमा ७२ वर्षीय वृद्ध पक्राउ
गोरखा, २५ साउन । पाँच वर्षीया बालिकालाई बलात्कार गरेको आरोपमा गोरखाको अजिरकोट गाउँपालिकाबाट ७२ वर्षीय लेखनाथ खनाल पक्राउ परेका छन् ।
मादक पदार्थ सेवन गरी बालिकालाई साउन २३ गते घरमै बलात्कार गरेको आरोपमा पक्राउ परेका वृद्धलाई जबरजस्ती करणी शीर्षकमा मुद्दा दर्ता गरिएको डिएसपी प्रकाश दाहालले बताए । पीडित बालिकाले आमालाई घटनाबारे बताएपछि उनले प्रहरीमा उजुरी गरेकी थिइन् ।
प्रहरीले साउन २४ गते उनलाई पक्राउ गरेको थियो । सोमबार गोरखा जिल्ला अदालतबाट सात दिनको म्याद थप गरी अनुसन्धान भईरहेको प्रहरीले जनाएको छ ।
