प्रधानमन्त्रीले बोलाए मन्त्रिपरिषद बैठक
काठमाडौं, २९ भदौं । प्रधानमन्त्री शेरबहादुर देउवाले मन्त्रिपरिषद बैठक बोलाएका छन् । प्रधानमन्त्री देउवाले ३ बजेका लागि प्रधानमन्त्री तथा मन्त्रिपरिषद्को कार्यालय सिंहदरबारमा बैठक बोलाएका हुन् ।
सरकारका नियमित काम कारवाही नै बैठकका मुख्य एजेण्डा रहेको प्रधानमन्त्रीको सचिवालयले जनाएको छ । कांग्रेस सभापति समेत रहेका देउवा प्रधानमन्त्री बनेको ६० दिन पूरा भइसकेको छ । तर, अझै मन्त्रिपरिषदले पूर्णता पाउन सकेको छैन ।
सत्ता गठबन्धनमा रहेका नेकपा माओवादी केन्द्र, जनता समाजवादी पार्टी नेपाल (जसापा) र नेकपा एकीकृत समाजवादी पार्टीले थप मन्त्रीको नाम नदिंदा मन्त्रिपरिषदले पूर्णता पाउन सकेको छैन ।