प्रतिनिसभा बैठक बस्दै, यस्ता छन् एजेण्डा
काठमाडौं, ११ असोज । संघीय संसदको तल्लो सदन प्रतिनिधिसभाको बैठक आज (सोमबार) बस्दै छ । बैठक दिउँसो २ बजे नयाँबानेश्वरस्थित संसद भवनमा बस्दै छ ।
आजको बैठकमा ७ असोजमा राष्ट्रपति विद्यादेवी भण्डारीले प्रमाणीकरण गरेको ‘विनियोजन विधेयक–२०७८’ सम्बन्धी पत्रको व्यहोरो पढेर सुनाउने सम्भावित कार्यसूची छ ।
प्रमुख प्रतिपक्षी एमालेको अवरोधका बीच सरकारले विनियोजन विधेयक पारित गरेसँगै राष्ट्रपतिले प्रमाणीकरण गरेकी थिइन् । योसँगै सरकारलाई खर्चको बाटो खुलेको थियो ।
संसदको चालु नवौं अधिवेशन सुरु भएदेखि नै प्रमुख प्रतिपक्षी दल नेकपा एमालेले सभामुखको भूमिकामाथि प्रश्न उठाउँदै नाराबाजी गर्दै आएको छ। एमालेको अवरोध र नाराबाजीकैबीच अर्थमन्त्री जनार्दन शर्माले पेस गरेको बजेट प्रतिस्थापन विधेयक यस अघि नै पारित भइसकेको छ। आजको बैठकमा पनि एमालेले अवरोध गर्ने तयारी गरेको छ।