‘सुरक्षित दसैं मनाऔ’ अभियानमा सिभिल बैंक


प्रकाशित मिति : October 12, 2021

काठमाडौं, २५ असोज । सिभिल बैंक लिमिटेडले यस वर्षको दसैंको अवसरमा, ‘सुरक्षित दसैं मनाऔ’, भन्ने नाराका साथ आफ्नो संस्थागत सामाजिक उत्तरदायित्वको कार्यक्रम अगाडि ल्याएको छ।

वडा दसैंको नवौं दिन अर्थात् नवमीमा भक्तजनहरुको घुइँचो लाग्ने हुँदा कोरोना संक्रमणको जोखिम बढी हुने संभावनालाई मध्यनजर गर्दै बैंकले काठमाडौंको तलेजु भवानी, काल भैरब, नरदेवी तथा कन्केश्वरी अजीमा देवीको मन्दिर परिसरमा फेसमास्क तथा स्यानीटाईजर वितरण गर्ने भएको छ।

यसले वडा दसैंमा श्रद्धालु भक्तजनमाझ कोरोना संक्रमणको जोखिमलाई न्यूनीकरण गर्न सघाउ पुर्याउने सिभिल बैंकका प्रमुख कार्यकारी अधिकृत सुनिल पोखरेलले बताएका छन्।

प्रतिक्रिया दिनुहोस्