कांग्रेस संसदीय दलको बैठक बस्दै, यस्ता छन् मुख्य एजेन्डा
काठमाडौं । सरकारको नेतृत्व गरिरहेको दल नेपाली कांग्रेस संसदीय दलको बैठक आज (मंगलबार) बस्दै छ । बिहान ९ बजे बस्ने गरी बैठक बोलाइएको छ ।
नयाँ बानेश्वरस्थित संसद् भवनको ल्होत्से हलमा बैठक बस्ने छ । बैठकमा विशेष गरी अमेरिकी अनुदानसम्बन्धी सम्झौता एमसीसी संसदमा अघि बढाउने विषयमा छलफल हुने नेताहरूले बताएका छन् ।
संसद् बैठक भोलिका लागि आह्वान गरिएको छ । भोलिको संसद् बैठकमा एमसीसीलाई अघि बढाउने र पारित गर्ने विषयमा संसदीय दलले निणर्य गर्ने बुझिएको छ । यस्तै सत्ता गठबन्धनमा आबद्ध तीन दलका तर्फबाट दर्ता गराइएको महाअभियोग प्रस्तावका विषयमा पनि बैठकमा छलफल हुने जनाइएको छ ।