चाेलेन्द्रले आरोपित गरेका सात वकिलहरुसँग महाभियोग सिफारिस समितिको छलफल शुरु
काठमाडौं । महाभियोग सिफारिस समितिको बैठक शुरु भएको छ । दुई पटकसम्म स्थगित भएर शुरु भएको बैठकमा निलम्बित प्रधानन्यायाधीश चोलेन्द्रशमशेर जवराले आरोपित गरेका सात कानुन व्यवसायीसँग सोधपुछ गरिने छ ।
बैठकमा १० कानुन व्यवसायी उपस्थित भए पनि निलम्बित प्रधानन्यायाधीश चोलेन्द्रशमशेर जबराले बयानमा नाम नलिएका तीन जनालाई बैठकमा बस्न दिइएन ।
बैठकमा पूर्व महान्यायाधिवक्ता रमन श्रेष्ठ, नेपाल बार एशोसियसनका अध्यक्ष गोपालकृष्ण घिमिरे र महासचिव अञ्जिता खनाल, सर्वोच्च अदालत बार एसोसियसनका अध्यक्ष पूर्णमान शाक्य, वरिष्ठ अधिवक्ताहरु कृष्णप्रसाद भण्डारी, शम्भु थापा र हरिहर दाहाल, बारका पूर्व अध्यक्ष चण्डेश्वर श्रेष्ठ, बारका पूर्वमहासचिव लिलामणी पोखरेल र अधिवक्ता ओमप्रकाश अर्याल उपस्थित भएका थिए ।
तर, जबराले नाम नलिएका बार अध्यक्ष घिमिरे, महाचिव खनाल र वरिष्ठ अधिवक्ता भण्डारीलाई समितिमा बस्न दिइएन । अहिले अन्य सातजनासँग सोधपुछ शुरु भएको छ । पूर्व प्रधानन्यायाधीशहरू उपस्थित नहुने भएपछि आज बिहान ८ बजेका लागि बोलाइएको बैठक दिउँसो १ बजेलाई सारिएको थियो । बैठकमा पूर्व प्रधानन्यायाधीशहरू पनि अनुपस्थित हुने भएपछि समितिको बैठक पुनः स्थगित भएको थियो ।
