आईसीसी ट्वान्टी–२० विश्वकप : अफगानिस्तान र आयरल्याण्डबीचको खेल बर्षाले रद्द
काठमाडौं । अस्ट्रेलियामा जारी आईसीसी ट्वान्टी–२० विश्वकपमा शुक्रबार तय भएको आयरल्याण्ड र अफगानिस्तानबीचको खेल वर्षाका कारण रद्द भएको छ । मेलबर्न क्रिकेट मैदानमा हुने तय भए पनि वर्षाका कारण खेल टससमेत नभएर रद्द भएको हो । खेल रद्द भएसँगै दुवै टिमले एक–एक अंक बाँडेका छन् ।
सुपर–१२ समूह–१ मा रहेको आयरल्याण्ड तीन अंकसहित तालिकाको दोस्रो स्थानमा छ । समान खेलबाट दुई अंक जोडेको अफगानिस्तान तालिकाको पुछारमा छ । समूहबाट शीर्ष दुई टिमले सेमिफाइनलमा स्थान बनाउने छन् ।
वर्षाका कारण टससमेत नभई रद्द भएको यो दोस्रो खेल हो । यसअघि बुधबार हुने भनिएको अफगानिस्तान र न्युजिल्याण्डबीचको खेल पनि वर्षाका कारण टससमेत नभई रद्द भएको थियो ।
त्यसअघि, सोमबार जिम्बाब्वे र दक्षिण अफ्रिकाबीचको खेल पनि वर्षाका कारण बीचमा रद्द हुँदा बुधबार आयरल्यान्डले इङ्ल्याण्डलाई डी÷एल पद्धतिअनुसार पाँच रनले पराजित गरेको थियो । आजै हुने दोस्रो खेलमा साविक विजेता अस्ट्रेलिया र इङ्ल्याण्डबीच प्रतिस्पर्धा हुँदैछ । मेलबर्न क्रिकेट मैदानमै हुने यो खेल दिउँसो ०१ः४५ बजेदेखि सुरु हुनेछ ।