दार्चुलाको शैल्यशिखरमा तीन राउण्ड हवाई फायर, मतदान स्थगित
दार्चुला । दार्चुलाको शैल्यशिखर नगरपालिकामा ३ राउण्ड हवाई फायर हुँदा मतदान कार्य स्थगित भएको छ ।
शैल्यशिखर नगरपालिका–५ मालिकार्जुन मावि ग्वानी बगौरा मतदान केन्द्रमा ३ राउण्ड हवाई हुँदा मतदान कार्य स्थगित भएको हो ।
मतदान सञ्चालनका लागि पहल भइरहेको जिल्ला प्रशासन कार्यालय दार्चुलाले जनाएको छ । मत हाल्न पुगेका एक जना मतदाताको मत पहिल्यै अरुले हालेको पाएपछि विवाद सुरु भएको थियो ।
