धनगढी जाँदै प्रधानमन्त्री
काठमाडौं । प्रधानमन्त्री शेरबहादुर देउवा आज (बिहीबार) कैलालीको धनगढी जाँदै छन् । कैलाली उद्योग वाणिज्य संघले आयोजना गर्ने १६ औं संस्करणको सुदूरपश्चिम महोत्सव उद्घाटन गर्न कांग्रेस सभापति समेत रहेका देउवा त्यसतर्फ जान लागेका हुन् ।
प्रधानमन्त्री देउवाले दिउँसो २ बजे महोत्सव उद्घाटन गर्ने कार्यक्रम रहेको कांग्रेसका कैलाली जिल्ला सचिव केशव मिश्रले जानकारी दिए । महोत्सव पुस २ गतेसम्म आयोजना हुने जनाइएको छ ।
