साढे ७ लाख जरिवाना मिनाहा माग गर्दै मेयर साहले दिए निवेदन
काठमाडौँ । काठमाडौं महानगरपालिकाका प्रमुख बालेन्द्र साह (बालेन) ले साढे ७ लाख जरिवाना मिनाहाको माग गर्दै निर्वाचन आयोगमा निवेदन दिएका छन् ।
गत ३० वैशाखमा सम्पन्न स्थानीय तह निर्वाचनमा काठमाडौं महानगरपालिकाको प्रमुखमा निर्वाचित शाहले तोकिएको समयमा खर्च विवरण बुझाएका थिएनन् ।
तोकिएको समयमा खर्च विवरण नबुझाएको भन्दै आयोगले शाहलाई साढे ७ लाख रुपैयाँ जरिवाना तोकेको थियो । जरिवाना ६ महिनाभित्र नबुझाएमा महानगर प्रमुखको पद नै खारेज हुने भएकाले शाहले आयोगमा जरिवाना मिनाहाको निवेदन दिएका हुन् ।
