संसद प्रतिपक्षको हो : सभामुख घिमिरे
काठमाडौँ । सभामुख देवराज घिमिरेले संसद पूर्णतः प्रतिपक्षीको हुने बताएका छन् । संसदीय प्रक्रिया र अभ्यासबारे प्रतिनिधिसभा सदस्यहरूका लागि आ (बिहीबार) आयोजित अभिमुखीकरण कार्यक्रममा बोल्दै उनले आफूले संविधान, कानुन र विधिभित्र रहेर संसद् सञ्चालन गर्न प्रयास गर्ने बताए ।
‘मेरो विचारमा संसद् पूर्णतः प्रतिपक्षीको हो । प्रतिपक्षीहरूलाई सरकारका राम्रा नराम्रा कामका विषयमा प्रभावकारी ढंगबाट अभिव्यक्ति गर्ने र जनताको अगाडि भूमिका देखाउने कार्यका लागि संसद् सर्वोत्तम निकाय हो,’ उनले भने, ‘तर यसका लागि संसद्भन्दा सरकारको काम बढी हुन्छ । सरकारले जिम्मेवार भएर प्रस्तुत हुने र जवाफ दिने भएको अवस्थामा मात्रै हाम्रो संसदीय प्रक्रिया पूर्ण हुन्छ ।’ उनले यस कार्यकालको असल संसदीय अभ्यासले संसद्को गरिमालाई थप बढाउने विश्वास व्यक्त गरे ।
