एफए कप : महारेजको ह्याट्रिकमा सिटी फाइनलमा
काठमाडौं । रियाद महारेजको ह्याट्रिकमा म्यानचेस्टर सिटी एफए कप फुटबलको फाइनल प्रवेश गरेको छ ।
शनिबार राति भएको पहिलो सेमिफाइनलमा सेफिल्ड युनाइटेडलाई ३–० ले पराजित गर्दै सिटी उपाधि नजिक पुगेको हो । घरेलु मैदानमा सिटीलाई जिताउन महारेजले पहिलो हाफमा एक र दोस्रो हाफमा दुई गोल गरे ।
४३ औं मिनेटमा महारेजले पेनाल्टीमार्फत गोल गर्दै सिटीलाई अग्रता दिलाएका थिए । ६१ औं मिनेटमा व्यक्तिगत दोस्रो गोल महारेजले ६६ औं मिनेटमा ह्याट्रिक पूरा गरे । सिटीले उपाधिका लागि म्यानचेस्टर युनाइटेड र ब्राइटनबीचको विजेतासँग खेल्ने छ ।
