रवि समर्थकको नाराबाजीले चितवन मतदान केन्द्रमा तनाव
स्थिति नियन्त्रणमा लिन प्रहरीद्वारा लाठ्ठीचार्ज, सेना पनि पुग्यो
चितवन । चितवनको नयाँकिरण कमलकुसुम माध्यामिक विद्यालय मतदान केन्द्रमा दुई पक्षबीच विवाद हुँदा केहिबेर मतदान प्रभावित भएको छ ।
मतदान केन्द्रमा रास्वपाका उम्मेदवार रवि लामिछाने समर्थक कार्यकर्ताहरु नाराबाजी गर्दै प्रवेश गरेपछि गठनबन्धन र एमालेका नेता कार्यकर्ताले विरोध गरेका थिए । दुवैपक्षबीच भानाभनसहित झडप हुने अवस्था आएपछि प्रहरीले भिड नियन्त्रण गर्न लाठ्ठी प्रहार गरेको छ ।
प्रहरीले लाठीचार्ज गरेपछि मतदान केन्द्रमा केहीबेर भागाभागको अवस्था आयो । तनाव बढ्न नदिन अहिले त्यस मतदान केन्द्रबाहिर नेपाली सेनाको टोली पुगिसकेको छ ।