टोटेनहमको पोस्टमा लिभरपुलको सात गोल
काठमाडौं । लिभरपुलले सात गोलको रोमाञ्चक खेलमा आइतबार टोटेनहमलाई ४–३ ले हराएको छ र योसँगै इङलिस प्रिमियर लिगको पाँचौं स्थानमा उक्लिन सफल रह्यो । लिभरपुलले एक समय तीन गोलको अग्रता लिए पनि टोटनहमले तीन गोल फर्काएको थियो ।
खेलको दोस्रो हाफ इन्ज्युरी समयको चौथो मिनेटमा डिएगो जोटाले निर्णायक गोल गरे । यो जितपछि लिभरपुलको ५६ अंक भयो । टोटनहम भने ५४ अंकमा लिभरपुलको ठीक पछाडि छ ।
आइतबारका अन्य खेलमा न्युकासल युनाइटेडले साउथह्याम्पटनलाई ३–१ र म्यानचेस्टर युनाइटेडले एस्टन भिल्लालाई १–० ले हरायो । यस्तै, म्यानचेस्टर सिटीले फुलहमलाई २–१ ले हराएर अंक तालिकाको शीर्ष स्थानमा उक्लिन सफल रह्यो ।
