नेनाज फाउन्डेसनद्वारा गरिब विद्यार्थीलाई सहयोग
सन्धिखर्क(अर्घाखाँची), ४ जेठ । मालारानी गाउँपालिका वार्ड न. ५ बाँगीका छ वटा स्कुलका आठ विद्यार्थीलाई नेनाज फाउन्डेसन नेपालद्वारा सहयोग प्रदान गरेका छन् ।
बिहिबार एक कार्यक्रम गरी मालारानी बाँगी आरुखोरमा नेनाज फाउन्डेसनले आर्थिक समस्यामा परेका बाँगी बासीका गरिब परिवारका विद्यार्थीलाई आर्थिक र भौतिक सहयोग गरेको हो । फाउन्डेसनले सालको चारपटक छात्रवृत्ति रु २५०० आर्थिकसहित किताब, कापी, कलम, झोला उपलब्ध गराउँदै आएको छ ।
विद्यार्थीहरुलाई राष्ट्रिय सभाका सदस्य चन्द्रबहादुर खड्का उज्वलले वितरण गरेका थिए । भने शान्ति मा.वि.का प्र.अ. मान ब. पाण्डे, मालारानी गाउँपालिकाका वडा अध्यक्ष शोभाखर भुसाल, पत्रकार नवीन केसी लगायत माननीय व्यक्तित्वहरुको उपस्थितीमा कार्यक्रम सम्पन्न गरिएको थियो ।
गरिब परिवारमा जन्मेका विद्यार्थी शैक्षिक शुल्क बुझाउन नसक्नेहरुको अध्ययन नरोकियोस् भनेर त्यस्ता विद्यार्थीलाई सहयोग गर्ने उद्देश्यले नेनाज फाउन्डेसन नेपालको स्थापना भएको हो । सन् २०१५ मा स्थापित फाउन्डेसनले माया र शिक्षाबीच गठिलो सम्बन्ध कायम राखेको छ ।