नेपालको पूर्वी क्षेत्रमा ‘हामुन’ चक्रवातको प्रभाव : आज टीकाको दिन कस्तो रहला मौसम ?
काठमाडौँ । नेपालको पश्चिमी भू–भागमा अहिले पश्चिमी वायुको आंशिक प्रभाव रहेको मौसमदिले जनाएका छन् । आज (मंगलबार) देशको पहाडी भू–भागमा आंशिक बदली रही बाँकी भू–भागमा मौसम सामान्यतया सफा रहनेछ ।
देशका पहाडी भू–भागका एक–दुई स्थानमा मेघगर्जन र चट्याङसहित हल्का वर्षाको सम्भावना रहेको छ । सुदूरपश्चिम, कर्णाली, गण्डकी र बागमती प्रदेशको उच्च पहाडी तथा हिमाली भू–भागका एक–दुई स्थानमा हल्का हिमपातको सम्भावना रहेको छ ।
भोलि बुधबार कोशी प्रदेशलगायत देशको पहाडी भू–भागमा आंशिकदेखि सामान्य बदली तथा बाँकी भू–भागमा मौसम सामान्यतया सफा रहने छ । देशको उच्च पहाडी तथा हिमाली भू–भागका एक–दुई स्थानमा हल्का हिमपातको सम्भावना रहेको छ ।
