इजरायलद्वारा चर्चित प्यालेस्टाइनी कमेडियनको घरमा आक्रमण, हालसम्म २३ को मृत्यु
गाजा । गत शुक्रबार इजरायलले गाजामा फेरि हवाई आक्रमण गरेको थियो । यस आक्रमणमा एक प्रसिद्ध प्यालेस्टिनी हाँस्य कलाकारको घर ध्वस्त भएको थियो, जसमा कम्तिमा २३ जनाको मृत्यु भएको थियो र दर्जनौं घाइते भएका थिए । उक्त क्षेत्रमा हमासद्वारा सञ्चालित स्वास्थ्य मन्त्रालयले घटनाको जानकारी दिएको हो ।
स्वास्थ्य मन्त्रालयले मध्य गाजाको देइर अल बालाह क्षेत्रमा महमूद जुएटरको परिवारको घर ध्वस्त भएको र आक्रमणमा मारिएका अधिकांश महिला र बालबालिका रहेको बताएको छ । आक्रमणमा घाइते भएका जुएटरका इन्स्टाग्राममा १२ लाखभन्दा बढी फलोअर्स छन् भने उनका भिडियोहरू युट्युबमा पनि व्यापक रूपमा हेरिन्छन् ।
सन् २०१४ को सुरुमा बेल्जियमको मार्शल आर्टको प्यालेस्टिनी प्यारोडी र अभिनेता जीन क्लाउड भ्यान डम्मेको कारको विज्ञापन भाइरल भए पछि जुएटरसँग अन्तरौष्ट्रिय मिडियाले अन्तर्बार्ता पनि लिएका थिए । विज्ञापनमा भान डम्मे दुईवटा चलिरहेको ट्रकमा हिंडिरहेको देखाइएको छ । जबकि गाजा संस्करणमा दुईवटा कार पेट्रोलको अभावमा धकेलिएको देखाइएको छ ।
शुक्रबारको आक्रमणपछि अनलाइन पोस्ट गरिएको भिडियोमा जुएटरले एक घाइते बालकलाई समातेको देखिन्छ । जुइटरको उमेर ३० वर्षको हाराहारीमा रहेको बताइएको छ । भिडियोमा जुएटरले भनेका छन्, ‘मैले भगवानसँग प्रार्थना गर्दै सबैलाई गाजा छाड्न कडाइका साथ मनाइरहेको थिएँ । कृपया मलाई गाजा छोड्न जबरजस्ती नगर्नुहोस् किनकि म गाजालाई माया गर्छु र त्यहाँका मानिसहरूलाई धेरै माया गर्छ, तर यहाँ यस्तो देखिन्छ कि उनीहरूले हामीलाई गाजा छोड् भन्ने चाहन्छन्, ।’ जुएटर भिडियोमा रोइरहेको देखिन्छ ।
