त्रिशूली नदीमा ट्याक्सी खस्यो : एकको शव भेटियो, चार जना बेपत्ता
काठमाडौँ । मुग्लिन–चितवन सडक खण्डको इच्छाकामना गाउँपालिकाको कुरिनटारबाट त्रिशूली नदीमा ट्याक्सी खसेको छ । आज बिहान बा २ ज ४१ नम्बरको ट्याक्सी त्रिशूली नदीमा खसेको हो । उक्त ट्याक्सी काठमाडौँबाट गोरखा जाँदै थियो ।
ट्याक्सीमा पाँच जना सवार रहेकोमा एक जनाको शव भेटिएको छ भने चार जना बेपत्ता रहेको इलाका प्रहरी कार्यालय मुग्लिनले जनाएको छ । मृतक पुरुष रहेको भए पनि परिचय भने खुल्न सकेको छैन । बेपत्ताको खोजीका लागि गोताखोर टोली परिचालनको तयारी भइरहेको छ ।
