आन्दोलनमा भएको क्षतिको भन्दै जरिवाना तिर्न राप्रपालाई महानगरको पत्र
काठमाडौं । राप्रपाले हालै काठमाडौंमा गरेको आन्दोलनका क्रममा सरकारी सम्पत्तिमा क्षति भएको भन्दै काठमाडौं महानगरपालिकाले जरिवाना तिर्न राप्रपालाई पत्र पठाएको छ ।
महानगरले आन्दोलनका क्रममा विभिन्न स्थानमा ट्राफिक आइल्याण्डमा क्षति पुगेको भन्दै त्यसको २२२.८१ रुपैयाँ भर्पाइ गर्न पत्र पठाएको छ । यस्तै फोहोरमैला गरेकाले ५ हजार जरिवाना तिर्न पनि महानगरले पत्र पठाएको छ । राप्रपाका प्रवक्ता मोहन श्रेष्ठले भने महानगरले तोकेको जरिवाना पार्टीले नतिर्ने बताएका छन् । उनले भने, ‘हाम्रो महानगर त्यति गरिब छैन, त्यो २२२ रुपैयाँ महानगर आफैले तिर्छ ।’
