ढोलाहिटी घटना : विजय राई र राजु गुरुङ पुर्पक्षका लागि थुनामा
काठमाडौं । फागु पूर्णिमाको दिन ललितपुरको ढोलाहिटीमा दुई युवाको ज्यान जाने गरी भएको ग्याङ फाइटमा दुई जनालाई कारागार पठाउने र तीन जनासँग धरौटी माग्ने आदेश भएको छ ।
चक्कु प्रहार गरेको आरोप लागेका विजय राई र उनलाई भगाएको आरोप लागेका राजु गुरुङलाई ललितपुर जिल्ला अदालतले बिहीबार थुनामा पठाउने थुनछेक आदेश गरेको हो ।
शुलभ राई र विशाल हाङमुकारुङ राईसँग पाँच–पाँच लाख र छेन्विहाङ राईसँग ७ लाख रुपैयाँ धरौटी माग्ने आदेश भएको ललितपुर जिल्ला अदालतले जनाएको छ । चैत ११ गते राति ढोलाहिटीको डी–पपिना रेस्टुराँमा पाँचथरका २९ वर्षीय पुजन राई र सुनसरीका २८ वर्षीय रेवश राईको हत्या भएको थियो ।
