पनामाविरुद्ध इङल्याण्डको गोल वर्षा, पहिलो हाफमै पाँच गोल
काठमाडौं, १० असार । विश्वकप समूह ‘जी’ को चौथो खेल अन्तर्गतको आजको खेलमा पनमाविरुद्ध इङल्याण्डले गोलको वर्षा गरेको छ । इङल्याण्डले खेलको पहिलो हाफमै ५–० को अग्रता लिएको छ ।
डिफेन्डर जोन स्टोन्सले आठौं मिनेटमा गोल गर्दै इङल्याण्डलाई अग्रता दिलाए । ह्यारी केनले पेनाल्टीमर्फत स्कोर २–० पारे । ३६ औं मिनेटमा जेसे लिन्गार्डको गोलमा इङल्याण्डले ३ गोलको अग्रता लियो भने जोन स्टोन्सले फेरि गोल गर्दै स्कोर ४–० पारेका थिए ।
पहिलो हाफको इन्जुरी समयमा फेरि पेनाल्टी जित्दै केनले स्कोर ५–० पारेको हो । पहिलो हाफमा यस विश्वकपमा ५ गोल गरिएको पहिलो पटक हो ।