साहरुख खानको आज जन्म दिन, मुम्बई प्रहरीले बिथोली दियो पार्टी
काठमाडौं, १८ कातिक । बलिउड अभिनेता शाहरुख खान आज शुक्रबारदेखि ५३ औं वर्षमा प्रवेश गरेका छन् ।
उनले आफ्नो जन्म दिन कार्यक्रम मनाएका छन् । तर, उनले आफ्ना निकट साथी र आफन्तलाई दिएको जन्मदिनको पार्टी भने मुम्बई प्रहरीले विथोली दिएको छ ।
भारतीय मिडियाहरुका अनुसार शाहरुखले शुक्रबार राति भव्य पार्टीको आयोजना गरेका थिए । सो पार्टीमा शाहरुखका परिवार सदस्य, आफन्त र बलिउडका थुप्रै हस्तीहरु उपस्थिति थिए । तर, प्रहरीले रेस्टुरेन्टमा हस्तक्षेप गरेपछि पार्टी बीचमै पार्टी बिथोलिएको छ ।
रेस्टुरेन्टभित्र राति अबेरसम्म ठूलो स्वरमा म्युजिक बजाएको भन्दै प्रहरीले हस्तक्षप गरेको हो । नियमअनुसार राति १ बजेसम्म मात्रै रेस्टुरेन्ट खोल्न पाइन्छ । तर, शाहरुखले रातभर पार्टी गर्ने योजना बनाएका थिए । उनको योजनामा प्रहरी बाधक बनिदियो ।
यसअघि शाहरुखले आफ्नो घरमै पनि पार्टी राखिसकेका थिए । सो पार्टीमा आमिर खान, अर्जुन कपुर, करिना कपुर, सञ्जय लिला भन्साली, कट्रिना कैफ लगायत उपस्थित थिए । जन्मदिनकै अवसर पारेर शाहरुखले आफ्नो नयाँ फिल्म ‘जिरो’ को ट्रेलर सार्वजनिक गरेका छन् । उक्त ट्रेलरले युटुबमा धमाका मच्चाइरहेको छ । एजेन्सी
