विप्लव नेकपाका नेता सूर्य भुजेललाई रिहा गर्न सर्वोच्चको आदेश
![surya](https://i0.wp.com/www.nayapage.com/wp-content/uploads/2019/04/surya.jpg?fit=1000%2C450&quality=100&strip=all&ssl=1)
काठमाठौं, ६ वैशाख । सरकारद्वारा प्रतिबन्धित नेत्रविक्रम चन्द ‘विप्लव’ नेतृत्वको नेकपाका नेता सूर्य भुजेललाई रिहा गर्न सर्वोच्च अदालतले आदेश दिएको छ ।
न्यायाधीशहरु अनिलकुमार सिन्हा र पुरुषोत्तम भण्डारीको इजलासले शुक्रबार बन्दी प्रत्यक्षीकरण आदेश जारी गरेको हो । भूजेललाई महानगरीय अपराध महाशाखाले ललितपुरको नख्खुस्थित एनसेल टावर लक्षित बम विष्फोट गराएको आरोपमा घटनाको तीन दिनपछि कलंकीबाट पक्राउ गरेको थियो ।
![surya](https://i0.wp.com/www.nayapage.com/wp-content/uploads/2019/04/surya.jpg?resize=720%2C324&quality=100&strip=all&ssl=1)
महाशाखाले उनीमाथि कर्तव्य ज्यान र संगठित अपराध, विष्फोटक पदार्थ ऐनअन्तर्गतमुद्दा लगाएको थियो । भुजेलले नेकपाको उपत्यका कमाण्ड सम्हालिरहेका थिए । महाशाखाका अनुसार उनी नेपाली सेनाका भगौडा हुन् ।