थप २५७ मा कोरोना संक्रमण, २३२ संक्रमणमुक्त
काठमाडौं । नेपालमा पछिल्लो २४ घण्टामा थप २५७ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ३,९२१ जनाको परीक्षणमा २५७ जनामा संक्रमण पुष्टि भएको हो ।
मन्त्रालयका अनुसार १४५८ जनाको पीसीआर परीक्षण गर्दा १४३ जना र २४६३ जनाको एन्टिजेन परीक्षण गर्दा ११४ जनामा संक्रमण देखिएको छ । योसँगै कोरोना भाइरसको सक्रिय संक्रमितको संख्या ३,१४६ पुगेको छ । पछिल्लो २४ घण्टामा २३२ जना संक्रमणमुक्त भएका छन् ।