डडेल्धुरामा बस दुर्घटना : ६ जनाको मृत्यु, २६ घाइते
डडेलधुरा, ११ बैसाख । डडेल्धुराको भिमदत्त राजमार्गको साउखर्कमा बस दुर्घटना हुँदा ६ जनाको मृत्यु भएको छ भने २६ जना घाइते भएका छन् ।
भीमदत्त राजमार्ग अन्तर्गत जिल्लाको गन्यपाधुरा गाउँपालिका–१ को साहुखर्क नजिकै बुधबार बिहान पौने ५ बजेतिर बस दुर्घटना भएको प्रहरीले जनाएको छ ।
धनगढीबाट बझाङका लागि छुटेको कर्णाली रिभर यातायातको ना ६ ख १८३१ नम्बरको बस दुर्घटना हुँदा ६ जनाको घटनास्थलमै मृत्यु भएको डडेल्धुराका प्रहरी निरीक्षक लक्ष्मण खड्काले पुष्टि गरेका छन् । प्रहरीले घटनास्थल पुगेर घाइतेको उद्धार गरिरहेको बताएको छ ।
घाइतेहरुलाई डडेल्धुरा अस्पताल डडेल्धुरा ल्याइँदैछ । बस सडकबाट १०० मिटर तल खसेको जनाइएको छ ।