बालिका बलात्कार गर्ने जेल चलान
हेटौँडा, १२ जेठ । १२ वर्षीया बालिकालाई बलात्कार गर्ने प्रविण थापा मगरलाई ९ वर्ष छ महिना कैद सजाय सुनाएको छ ।
दोलखा घर भई हेटौँडा–२ मा डेरा गरी बस्ने थापामगरलाई जिल्ला अदालत मकवानपुरमा न्यायाधीश खडानन्द तिवारीको एकल इजलासले बलात्कार गरेको ठहर गर्दै उक्त फैसला सुनाएको हो ।
दोषीबाट पीडितलाई रु ५० हजार क्षतिपूर्ति भराउने आदेश गरेको अदालत स्रोतले जनाएको छ । प्रविणमाथि गत भदौ ११ गते बालिकालाई बलात्कार गरेको आरोप लगाइएको थियो ।