फेरि बढ्यो सुनको भाउ, तोलाको कति पुग्यो ?
काठमाडौं, ३ मंसिर । नेपाली बजारमा निकै लामो समयदेखि सुनको भाउमा उत्तार चढाव आइरहेको छ ।
केहि दिन स्थिर रहेको जस्तो देखिए पनि बजारमा समग्रमा भन्दा सुनको मूल्य बढिरहेको छ । मंगलबार नेपाली बजारमा सुनचाँदीको मूल्य बढेको छ ।
सोमबार तोलामा ७१ हजार ६०० रुपैयाँ मा कारोबार भएको छापावाल सुनको मूल्य मंगलबार तोलामा रु ४०० बढेर ७२ हजार रुपैयाँमा कारोबार भएको नेपाल सुनचाँदी व्यवसायी महासंघले जानकारी दिएको छ ।
यस्तै तेजावी सुन ७१ हजार ७०० रुपैयाँमा कारोबार भएको छ । यस्तै चाँदी तोलामा रु ८६० मा कारोबार भएको छ । यसअघि सोमबार चाँदी तोलामा रु ८५० मा कारोबार भएको थियो ।