महिला ह्याण्डबलमा नेपाल पहिलाे पल्ट फाइनलमा प्रवेश
पोखरा, २१ मंसिर । १३ औं दक्षिण एसियाली खेलकुद (साग)का नेपाली महिला ह्याण्डबल टोली फाईनल प्रवेश गरेको छ ।
पोखरा रंगशालास्थित बहुउद्देश्यीय कभर्ड हलमा भएको शनिबार भएको खेलमा पाकिस्तानलाई हराउँदै फाइनल प्रवेश गरेको हो ।
नेपालले पाकिस्तानलाई १ गोल अन्तरले पराजित गरेको हो । नेपाल पाकिस्तानलाई २२–२१ गोल अन्तरले पराजित गर्दे फाइनल यात्रा तय गरेको हो ।
पहिलो हाफमा ८–११ ले पछि परेको अवस्थामा नेपालले दोस्रो हाफमा भने कम व्याक गर्दै विजय हासिल गरेको हो ।
नेपालको लागि उमा राईले सर्वाधिक ११ गोल गरिनभने कला राईले ४ र निशा राई र कविता राईले समान २–२ गोल गरे । यस्तै रामकुमारी चौधरी, रन्जना राई र बन्दना राईले समान १–१ गोल गरेका थिए ।
अब नेपालले स्वर्ण पदकको लागि भारतसँग प्रतिस्पर्धा गर्नेछ । आजै भएको पहिलो सेमिफाइनल खेलमा भारतले बंगादेशलाई ४१–१३ गोलअन्तरले पराजित गर्दै फाइनलमा प्रवेश गरिसकेको हो ।
सागमा महिला हृयाण्डबलमा नेपाल पहिलो पटक फाइनलमा प्रवेश गरेको हो । नेपालले समुह विजेता बन्दै समेमिफाइनलमा प्रवेश गरेको थियो ।
१२ औं संस्करणकै साग गेमको सेमिफाइनलमा नेपाली महिला टोली बंगलादेशसँग हारेको थियो । तेस्रो स्थानको लागि भएको खेलमा नेपाल पाकिस्तानसँग हार्दै पदकविहीन बनेको थियो ।
