गर्लफ्रेण्डले दिएको गिफ्ट ४७ वर्षसम्म खोलिएन, यस्तो छ कारण


प्रकाशित मिति : January 5, 2018

काठमाडौं (एजेन्सी) : क्यानडाको टोरन्टोमा बस्ने एडिअन पिअर्स नामका व्यक्तिलल भूपू गर्लफ्रेण्डले दिएको गिफ्टको प्याकेट ४७ वर्षसम्म पनि खोलेका छैनन् ।
के तपाइँलाई विश्वास लाग्छ कि कुनै मानिसले आफ्नो भूपूप्रेमिकाले दिएको गिफ्टलाई ४७ वर्षसम्म सम्हालेर राख्नसक्छ । सम्हालेर राख्नेमात्र कहाँ हो र ? उनले एक्स गर्लफ्रेण्डले दिएको गिफ्ट खोलेर हेरेका पनि छैनन् ।
उनले १७ वर्षको छँदा उनकी गर्लफ्रेण्ड विक्कीले ब्रेकअप गरेकी थिइन् । ब्रेकअपको बेला उनले एड्रिअनलाई एक उपहार दिएकी थिइन् । उक्त गिफ्टलाई एड्रिअनले अहिलेसम्म खोलेका छैनन् । विछोडका बेला दिएको उपहारलाई भारी मन बनाएर घरमा ल्याएको एड्रिअनले अहिलेसम्म उक्त गिफ्ट खोल्ने हिम्मत गरेका छैनन् ।
एड्रिअनले उक्त गिफ्टलाई घरमा रहेको क्रिसमस ट्रीको तल राखेका छन् र आफ्ना परिवारका सदस्यलाई पनि उक्त गिफ्ट नखोल्न जानकारी गराएका छन् । उनको आदेशको सिरोपर गर्दै अहिलेसम्म परिवारको कसैले पनि उक्त गिफ्टमा हात लगाएको छैन ।
ब्रेकअप पछि उनले एक्स गर्लफ्रेण्डलाई कहिल्यै पनि भेटेका छैनन् । एकदिन उनीसँग भेट हुने र सँगै उक्त गिफ्ट खोल्ने उनको योजना छ ।

प्रतिक्रिया दिनुहोस्