विश्वप्रकाश शर्मा भन्छन्,‘माके जबजकै बाटोमा आएकाले एमालेले जबज छोड्नु हुँदैन’
काठमाडौं : नेपाली कांग्रेसका नेता विश्वप्रकाश शर्माले नेकपा एमालेले जनताको बहुदलीय जनवाद छोड्न नहुने बताएका छन् । नेकपा माओवादी केन्द्र जबजकै बाटोमा आएकाले एमालेले यो सिद्धान्त छोड्न नहुने नेता शर्माले बताएकाे हाे ।
नेता शर्माले कांग्रेस वाम गठबन्धन फुटाउनतिर नलाग्ने बताए । नेता शर्माले भने, ‘सिद्धान्तकै कारण वाम गठबन्धन फुट्छ, कांग्रेसले केही गर्नुपर्दैन ।’
कांग्रेस नेतृत्व जनतासम्म पुग्न नसकेकाले निर्वाचनमा पराजित हुनुपरेको नेता शर्माले बताए । यसबाहेक निर्वाचनको मुखमा एमाले र माओवादी केन्द्रबीच गठबन्धन भएकाले पनि निर्वाचनमा पराजित हुनुपरेको नेता शर्माले बताए ।
पार्टी चलाउन उमेर भन्दा पनि एजेन्डा प्रमुख हुने बताए । नेतासँगको कुराकानी जनता टेलिभिजनको कार्यक्रम सन्दर्भमा सोमबार विहान आठ बजे प्रशारण हुनेछ ।