आहा ! काठमाडौंका सडक {फोटो फिचर}
काठमाडौं, १० वैशाख : कुनै समय काठमाडौंको सडक भन्ने बित्तिकै नाक खुम्चाउनुपर्ने बाध्यता थियो । तर, अहिले काठमाडौंको सडक पुरै फेरिएको छ । विकसित मुलकको सडकभन्दा कुनै कमी छैन । अहिले काठमाडौंको सडक अघि उभिएर तस्बिर खिचाउने रहर जो कसैलाई जाग्छ । वर्खामा हिलाम्मे र हिउँदमा धुलम्मे काठमाडौंको सडकको हेर्दा जो कसैले ‘आहा !’ भन्छन् । र तस्बिर खिच्न मोह जागेर आउछ । लकडाउनको बीच पनि सडक कालोपत्र, मर्मत, जेब्रा क्रसिङ, सेन्ट्रल लाइन, पेन्टिङ (मार्किङ) को काम भइरहेको छ ।
मंगलबार हामीले काठमाडौंको सुकेधारादेखि, नक्साल, पुतलीसडक, नयाँ वानेश्वर, त्रिपुरेश्वर, माइतीघर, सुन्धरा, तीनकुने एक फन्को लगाउँदा सडक पुरै चिटिक्क थियो । मंगलबार माइतघरमा सडक पिच गर्ने काम चलिरहेको थियो । धुम्बारही पिपलबोट क्षेत्रमा मेटिएका सडक रेखा टल्काउने काम चलिरहेको थियो ।
भौतिक पूर्वाधार तथा यातायात मन्त्री बसन्त नेम्बाङ्गले लकडाउनको अवस्थाको बीचलाई पनि सडकको सुधार, मर्मत र निर्माणलाई जारी राखेका छन् । मन्त्री नेम्बाङ्गका प्रेस सल्लाहकार सन्दिप राईका अनुसार मन्त्री नेम्बाङ्ग दैनिकजसो कामलाई प्रभावकारी बनाउन अनुगमन र निर्देशनको काममा सक्रिय छन् । हेर्नुहोस् काठमाडौंको सडक :-
