भदौं २६ गते नेकपा स्थायी कमिटी बैठक
काठमाडौं, २२ भदौं । सत्तारुढ नेपाल कम्युनिष्ट पार्टी (नेकपा) स्थायी कमिटी वैठक भदौं २६ गते बस्ने भएको छ ।
गत साउन १३ गतेदेखि स्थगित बैठक भदौ २६ गते बोलाउने सहमति भएको प्रधानमन्त्री तथा पार्टी अध्यक्ष केपी शर्मा ओलीका प्रेस सल्लाहकार सूर्य थापाले जानकारी दिएका छन् ।
आज (सोमबार) बिहान बालुवाटारमा पार्टी अध्यक्षद्वय ओली र पुष्पकमल दाहाल प्रचण्ड तथा महासचिव विष्णु पौडेलबीच भएको छलफलपछि बैठक बोलाउने सहमति जुटेको हो ।
शनिबार प्रचण्डलाई भेट्न महासचिव विष्णु पौडेल र प्रदेश–५ का मुख्यमन्त्री शंकर पोखरेल प्रचण्ड निवास खुमलटार पुगेका थिए ।
उक्त भेटमा प्रचण्डले पौडेल नेतृत्वको ६ सदस्यीय कार्यदलले तयार गरेको प्रतिवेदनमा पार्टी सञ्चालनमा कार्यकारी अध्यक्षको भूमिका प्रष्ट नपारिएको गुनासो गरेका थिए । उनले कार्यकारी अध्यक्षको भूमिकाबारे प्रतिवेदनको सुझाव ‘अमुर्त’ रहेको बताएका छन् ।