डा. निर्मलकुमार विश्वकर्मा दक्षिण अफ्रिकाको राजदूत सिफारिस
काठमाडौं, १५ असोज । सरकारले डा. निर्मलकुमार विश्वकर्मालाई दक्षिण अफ्रिकाको राजदूतमा सिफारिस गरेको छ ।
बिहीबार बसेको मन्त्रिपरिषद् बैठकले कपिलवस्तुको बुद्धभूमि नगरपालिका-९ का विश्वकर्मालाई राजदूतमा सिफारिस गरेको हो ।
बैठकले अमेरिकाका लागि पूर्वअर्थमन्त्री डा. युवराज खतिवडा र बेलायतका लागि निवर्तमान मुख्यसचिव लोकदर्शन रेग्मीलाई राजदूत सिफारिस गरेको छ ।
सिफारिस भएका राजदूतहरुलाई संसदीय सुनुवाइबाट स्वीकृत गरेपछि र सम्बन्धित मुलुकबाट एग्रिमो आएपछि सो मुलुकमा राजदूत हुने पक्का हुन्छ ।
